NOVÉL

NOVÉL

Novél nya éta karya sastra wangun prosa naratif fiksi nu caritana diatur dipapantes, nepi ka anu macana jaba ti ngarti, bari bisa ngarasakeun sarta nyipta kana naon-naon nu kasebut dina éta carita.Galur caritana leuwih rumit lamun dibandingkeun jeung carpon atawa carita pondok, lantaran jumlah kajadianna kawilang réa, sarta diwangun ku sababaraha épisodeu. Novél asalna tina basa Italia ''novella'', dina basa Jerman ''novelle'', sarta di basa Yunani ''novellus'', tuluy asup ka Indonesia jadi novél. Istilah-istilah éta téh hartina sarua nya éta karya prosa fiksi nu panjangna cakupan, teu panjang teuing ogé teu pondok teuing. Novel biasana diwangun ku leuwih ti 40.000 kecap, turta miboga ajén-ajén norma saperti ajén sosial, ajén étnik, ajén hédonik, ajén spirit, ajén koléktif, jeung ajén struktural.

Sajarah kamekaran novél sunda

Sabada urang Sunda diajar di sakola nu diadegkeun ku pamaréntah Walanda, gelar rupa-rupa karya sastra nu mangrupa pangaruh kulon saperti roman, nu ayeuna disebut novel.Sakapeung éta dua istilah téh dianggap sarua, tapi aya ogé nu nganggap yén éta istilah téh aya bédana.Ayana penerbitan nu harita diadegkeun ku pamaréntah Walanda, Commissie voor de Volkslectuur, nu ayeuna jadi Balé Pustaka, nu diadegkeun dina taun 1908, mangrupa hiji badan nu mantuan hirup huripna pangarang-pangarang jaman harita.karangan-karangan nu diterbitkeunna mangrupa tulisan anu teu papalingpang jeung aturan pamaréntah, nu raket patalina jeung tujuan pamaréntah kolonial.Lian ti Balé Pustaka, aya panerbit swasta saperti Dachlan Bekti jeung M.I Prawirawinata di Bandung nu mantuan nyeuyeuban hirup huripna sastra Sunda. penerbit swasta mah leuwih bébas ngaluarkeun terbitanna.Sabada Indonésia merdeka, novel sunda téh beuki ngeuyeuban, saperti Baruang ka nu Ngarora, Carios Radén Ustama, Ceurik Abdi, jsb.Salian ti novél-novel éta, aya ogé novel-novel anu dicitakna mangrupa buku-buku laleutik, nepi ka hiji judul téh jadi sababaraha jilid. Novel-novel nu kieu téh kaitung laku dijual sabab salian ti bisa ditungtut dibeulina, promosi ngaliwatan radio kacida ngarojongna. Éta buku téh dibaca ku penyiar sarta dijomantarakeun mangrupa dongéng énténg.Lantaran dibacana nyambung sarta sok dipotong palebah nu dianggap ramé ku nu ngadéngékeun, biasana mah nu ngadéngékeun jadi panasaran. Salian ti éta novel-novel nu dianggap ramé ku nu macana biasana leuwih payu. Upama éta buku aya di taman bacaan, nu maca leuwih babari néanganana. ku kituna, dibandingkeun jeung novel nu dianggap ngandung ajén sastra, carita-carita modél kieu mah leuwih dipikawanoh ku masarakat.

Ciri-ciri novél:

Di urang mah rajeun dibédakeun antara novél jeung roman téh. Biasana karya roman dianggep leuwih panjang jeung lengkep batan novél. Tapi, sebenerna mah novél jeungroman téh éta-éta kénéh. Ciri-ciri novél nu pangpentingna nya éta:

1.      Wangunna prosa(fiksi) panjang, jauh leuwih panjang batan carpon. Keur ngagampangkeun,   upama dicitak cukup keur sabukueun. Upama dibaca nepi ka tamat, moal cukup satengah jam.

2.      Ku sabab panjang, tokohna loba sarta kajadian nu dicaritakeunana biasana rupa-rupa.

3.      Jejer jeung eusina nyaritakeun kahirupan sapopoé.

Ø  Babandingan novél jeung carpon

Novél	Carpon
aya konflik batin	teu kudu aya
watek palaku digambarkeun detail	watek palaku digambarkeun singget
galur carita leuwih rumit	galur carita leuwih sederhana
latar leuwih lega jeung waktuna leuwih lila	latar jeung waktu kawawatesanan
wangunna leuwih panjang	wangunna leuwih pondok
jumlah kecap dina novel minimal 35.000 kecap	jumlah kecap dina carpon maksimal 10.000 kecap

Dina novel aya unsur intrinsik jeung unsur ekstrinsik.

Ari unsur intrinsik mah unsur nuaya dina jera caritana. Unsurna tiasa diteang dina dialog-dialog palakuna. Dina narasi-narasina, jsb. Ari unsur ekstrinsik mah unsur-unsur anu aya di luar carita novel. Unsur ekstrinsik mah biasana ngungkapkeun tentang unsur-unsur di masarakat, anu aya dina eta carita. Jadi urang kudu nyimpulkeun sorangan unsur ekstrinsik tina carita nu geus aya. Unsur-unsur di masarakat teh contona unsur ageman, unsur moral, unsur budaya, jsb.

Unsur-unsur instrinsik dina novel nya eta:

1. Téma                           : ideu poko carita atawa alpukah utama 
2. Amanat                       : talatah moral anu hayang ditepikeun pengarang ka pamaca
3. Jejer atawa penokohan : sipat atawa watek
4. Kasang                                    : tempat, wayah, kaayaan. kumaha carita éta nyokot settingna
5. Sudut pandang             : posisi pengarang dina carita.

6.       Galur                           : jalanna ca rita. Aya galur maju, galur mundur              jeung  galur campuran.

o   Galur maju        : carita anu dimimitian ti mimiti nepi ka ahir kajadian

o   Galur mundur   : carita anu dimitian ti akhir kajadian nepi ka awal kajadian.

o   Galur campura  : campuran tina galur maju jeung galur mundur.

7.      Gaya basa: basa anu dipaké pengarang

Unsur-unsur ekstrinsik dina novel nya eta:

1.       Kasang tukang pangarang.

2.       Wayah sarta tempat pangarang nulis caritana.

3.       Unsur budaya, moral, ageman, pulitik, sosial, atikan.

4.        Identitas buku.

Papasingan novel

Novél bertendens

Novél bertendens téh nya éta novél nu miboga tujuan nu tangtu. Misalna dina hiji carita, pangarang némbongkeun akibat nu goréng tina hiji adat atawa kabiasaan, boh masarakat boh individu.

Novél sosial

Novél sosial nya éta novél anu eusina nyoko kana masalah sosial, saperti kateuadilan, kateureugeujeungan, atawa gejolak sosial dina hiji mangsa. Si palaku bisa jadi mangrupa subyék, korban, atawa saksi éta kaayaan.

Novél sajarah

Novél sajarah nya éta novél anu eusina ngandung unsur-unsur sajarah. Boh palaku utamana boh kajadianana nyoko kana sajarah.

Novél psikologi

Novél psikologi nya éta novél anu eusina nyaritakeun hal-hal anu patali jeung jiwa palaku utamana.

Novél misteri

Novél misteri nya éta anu eusina nyaritakeun hal-hal anu ngandung rusiah, anu biasana kabuka dina bagian ahir éta novél. Upamana baé nyaritakeun néangan palaku rajapati atawa palaku kajahatan séjénna.